ინსტაგრამზე სრულყოფილი სურათების განთავსება, ზღაპრული ფიდის შექმნის მცდელობა, შესანიშნავი შემთხვევა და კარგი საბაბია იმისთვის, რომ გარდერობს გადახედო და მისი განახლება სცადო, მით უმეტეს, თუ მოგზაურობას აპირებ.
ფაქტია: შეგიძლია გადაიღო წარმოუდგენლად მშვენიერი ფოტოები, თუკი გადაღების გამოცდილება საერთოდაც არ გაქვს. მთავარია მომზადება - წინასწარ იფიქრე შენი დანიშნულების ადგილის გარემოსა და ესთეტიკაზე.
სამოსის ტონალობა და სტილი არის ყველაფერი, ზღაპრული სამოგზაურო კადრის შესაქმნელად, თუმცა ის განსხვავდება შენი დანიშნულების ადგილის მიხედვით.
მაშ ასე, მოძებნე ქვემოთ ადგილი, სადაც მოგზაურობას აპირებ და საუკეთესო მოგონებებისა და ფოტოების შესაქმნელად, გაითვალისწინე რჩევები:
კუნძულები და ზღვისპირა ქალაქები
- სტილი რომელიც კუნძულებზე და ზღცისპირა ქალქებში მოგზაურობისას უნდა აირჩიო, არის ყველაზე მარტივი, მსუბუქი და ჰაეროვანი. შენი მთავარი მისია ამ შემთხვევაში ისაა, რომ არ ამოვარდე საერთო სურათიდან და გახდე ოკეანისა და სანაპიროს ნაწილი.
- შეარჩიე თხელი, სუნთქვადი ქსოვილი, არა მხოლდო შენი კომფორტისთვისა და სიგრილისთვის, არამედ იმისთვისაც, რომ საერთო ესთეტიკის ნაწილი გახდე.
- ახლა კი, ვისაუბროთ სამოსის ფერებზე, რომლებიც, აუცილებლად უნდა მოირგო სანაპიროზე, ჯადოსნური კადრების მისაღებად:
- ხუთივე ფერი ჰარმონიულ ვიზუალს იძლევა მზის სხივებთან მიმართებაში, განსაკუთრებით ფოტოგენურია მზის ჩასვლისას. ამასთან, ისინი ქმნიან სასიამოვნო კონტრასტს ზღვის ლურჯ ან ცისფერ ტონალობასთან.
ისტორიული ქალაქები
- არქიტექტურას, რომელიც რამდენიმე ათწლეულს ითვლის და კიდევ უფრო მეტსაც, ისე არაფერი უხდება, როგორც დახვეწილი სამოსი.
- ფოტოსესიისთვის, ვიზუალის შექმნისას, უმჯობესია სრული ლუქი მაქსიმუმ სამი ფერით შემოიფარგლოს. რა თქმა უნდა, ტროპიკული პრინტები მშვენიერია და სურათებშიც კარგად გამოიყურება, თუმცა ქალაქის კადრში უპირატესობა მინიმალიზმსა და ნეიტრალურ ტონებს უნდა მიანიჭო.
- კაშკაშა სამოსი, ჭრელი პრინტები და სლოგანები ყოველთვის როდია სწორი გადაწყვეტილება?! თუკი მემორიალებისა და ტაძრების მონახულებას გადაწყვეტ, გაითვალისწინე, რომ მათ უმეტესობას ჩაცმის კოდი აქვს.
- რაც შეეხება მუზეუმებს, შესაძლოა ისინი არ გავალდებულებენ, მოირგო რაიმე კონკრეტული სამოსი, თუმცა ამ შემთხვევაში, ყველაფერი შენს გემოვნებაზეა დამოკიდებული. სიძველეებთან და ხელოვნების ნიმუშებთან ვიზუალურად და კონტექსტურად მართებული არ იქნება, თუ მოდერნულ სამოსს მოირგებ, შესაბამისად, ფოტოში ლამაზი კადრის ნაცვლად, შესაძლოა ერთი დიდი აურზაური მიიღო.
მოდერნული ქალაქები
- როდესაც რომელიმე მოდერნული ქალაქის მონახულებას აპირებ, საქმე ყველაზე მარტივადაა, უბრალოდ უნდა შექმნა "ქუჩის სტილი" და უკვე ყველაფერი იდეალურადაა.
- შენ თვად შეგიძლია გადაწყვიტო შექმნი ფემინურ ვიზუალს კაბითა და სხეულზე მორგებულ დგომით თუ შედარებით მასკულინურს - ჯინსითა და საბაზისო მაისურით:
- არ დაგავიწყდეს გაითვალისწინო სსეზონის ტენდენციებიც, რომლებიც განსაკუთრებულად უხდება მოდერნულ ქალაქებსა და მათ არქიტექყურას:
უდაბნოები
- უდაბნო ის ადგილია სადაც აუცილებლად ღია ტონალობები უნდა მოირგო, რადგანაც ისინი თავს უფრო გრილად გაგრძნობინებენ.
- ქვიშისფერთან განსაკუთრებულად ჰარმონიულ ვიზუალს იძლევა თეთრი და კრემისფერი ტონალობა:
აუზები და იახტები
- ეს სწორედ ის ადგილებია, სადაც შენი საცურაო კოსტიუმი უნდა გამოაჩინო. გამოიყენე გამჭვირვალე თხელი ქსოვილები, ისინი განსაკუთრებულად უხდება წყალთან დაკავშირებულ გარემოს:
- ამრიგად, ერთდოულად მიიღებ ტრენდულ, მშვენიერ და გამორჩეულ ვიზუალს. სხვა რა უნდა მოირგო ბიკინსთან კომბინაციაში, თუ არა ბადე და გიპიურის გადასაცმელი სამოსი?!